EKKIk 2025eko Batzar Orokorra egin zuen online abenduaren 4an. Orain arteko ibilbideaz hausnartu zuten bazkideek, eta lorpen handitzat jo zuten CIS-Net sarera konektatu izana EKKIren errepertorioa. Nazioarteko kodeak lortzea, obren erregistro zein aldaketak, autoretza-ehunekoen kontrola… hori dena modu azkar eta erosoan egin daiteke orain EKKIren webguneko kideen atarian.
CIS-Net-ek mundu-mailako irismena du:
CISACek 2025eko Urteko Txostena argitaratu du. Sortzaileen eskubideen babesa, datu-sistemen modernizazioa eta sano azkar aldatzen ari den panorama digitalean bidezko ordainsariaren defentsa dira lerro nagusiak.
Bide batez esango dugu EKKIk bat egin duela CIS-Net-ekin, eta eskubideen egileek laster izango dutela jabetza intelektualeko eskubideak kobratzeko ingurune erabilerraza eta nazioartean homologatua.
Baina hori ez da dena, txostenak beste hainbat gai jorratzen baititu.
Horri buruz Gutun Zuria 2024an eztabaidatu genuenean ohartarazi genuen: Adimen Artifiziala (AA) eskubide-zatiz osatuta dago, eta mundu hori ulertu, ordenatu eta egileen kontrolpean jarri behar da. Eta hara non, GEMAk Suno Inc. Auzitara eroan du, AAk sortutako audio-edukia dela eta. Enpresari leporatzen zaio GEMAren errepertorioko abesti ospetsuen grabazio babestuak prozesatzea, ordainsaririk ordaindu gabe. Kasu askotan, adimen artifizialeko tresnak jatorrizko abestien antzeko audio-edukia sortu zuen.
