Egile eta Konpositoreen Elkarteen Nazioarteko Konfederazioak (CISAC) 2026ko Urteko Txostena argitaratu du. Bertan, mundu-mailako sentsibilizazio-jardueretan egindako aurrerapideak zehazten dira. Lege eta araudien arloan huasnarketa sakona egin da azken hilabeteetan, eta datu-azpiegitura globaletan ere doikuntzak eta berrikuntzak ezarri dira.
Gogoratu EKKI CISACeko kide dela. Egile-elkarteen munduko sare horretako kide izatek aukera ematen digu euskal kulturaren sektorearentzat garrantzitsuak diren eztabaidetan parte hartzeko.
CISACen txostenean Adimen artifiziala eta egile-eskubideak aztertzen dira, eta datu-sistema globalak eta eskubideak kudeatzeko azpiegitura indartzeko beharra aipatzen da.
Voss txostena 2026ko martxoaren 10ean argitaratu zen. Azterketa labur egin dugu, eta ondorioa da beharrezkoa dela AA arautzea eta gardentasun-neurriak ezartzea egile-eskubideen errespetua bermatzeko. Txostenak bereziki kritikatzen du EBko AA Legearen dibulgazio-betebeharren gaur egungo aplikazioa AA generatiboaren hornitzaileentzat. AAren entrenamenduan eta inferentzian erabilitako egile-eskubideak eta babestutako edukia zehatzago bereizteko eskatzen du, eta eskubideen titularrei arau-haustea frogatzen laguntzeko lege-presuntzio bat sartzea proposatzen du.
EKKIk 2025eko Batzar Orokorra egin zuen online abenduaren 4an. Orain arteko ibilbideaz hausnartu zuten bazkideek, eta lorpen handitzat jo zuten CIS-Net sarera konektatu izana EKKIren errepertorioa. Nazioarteko kodeak lortzea, obren erregistro zein aldaketak, autoretza-ehunekoen kontrola… hori dena modu azkar eta erosoan egin daiteke orain EKKIren webguneko kideen atarian.
CIS-Net-ek mundu-mailako irismena du:
